October 9, 2024: Wednesday din, Maulana Azad Medical College deh taka doctors kan para ekta one-day hunger strike shuru kuri shae. Etu tho taikan, West Bengal laka junior doctors kan keh solidarity dika bo karne kura ase, kun kan ekta brutal rape aro murder laka against protest kuri ase.
Guru Teg Bahadur Hospital laka doctors kan b Wednesday din deh join kuri shae, kala ribbons kan lakai nah. Etu kala ribbons kan tho taikan laka murai dia colleague laka solidarity aro remembrance karne ekta symbol ase. AIIMS-Delhi laka Resident Doctors’ Association para JLN Stadium deh hobo leh ekta candle march b schedule kuri shae, 6pm deh.
Maulana Azad Medical College RDA laka president, Aparna Setia para doctors kan ekta symbolic hunger strike keh duri ase kui shae. Tai para etu hunger strike tho workings hours time deh kuri ase kui shae, 9 am para 4 pm tak, Wednesday din deh.
“Etu time deh, mukan pani aro kha saman kan b nak abo. West Bengal laka junior doctors keh mukan laka support dika bo karne, kun kan hunger strike deh ase” Setia para PTI keh kui shae.
MAMC para doctors laka cause karne alak alak activities kan keh organize kuri ase. GTB doctors kan para ekta statement deh, kala ribbons tho taikan laka upsos keh dikai deh kui shae aro ekta yat karne ase kui shae, enaka violence deh medical community kan chup nataki bo kui nah.
Add Comment