Brisbane, Australia, 10oct 2024: Pilot ekta helicopter chulai kina hotel te lagai dina muri jaishey Australia te. Tai mudu khai kina thakishey. Official reports khan pra janai dishey.
Helicopter toh sopse opor floor te lagikina jula shuru hoi jaishey. 100 plus guests aro staff khan ke olai dishey Hilton Hotel pra. Hotel toh Cairns , Far North Quensland te. August 12 te hoishe etu.
Etu time te charter company Nautilus Aviation koishey etu pilot toh ground crew laka member thakishey. Etu crash nahwa agae te taikhan promotion pa nimite rati te party te thakishey.
Taike helicopter chulaboleh permission thakinai. Helicopter la chabi toh bitor te chari kina thakishey. Hangar bitor te park kuri kina thaka time te.
Australian Transport Safety Bureau (ATSB), Thursday din te taikhan la report pra jani paishey pilot toh mudu pra Nisha hoi kina thakishey enika kurina 1,000 ft opor urishey.
Investigators kan echa b thik najaneh kileh pilot toh helicopter loishey. Na tai jani kina hotel te maribo nimite te chulaishey.
Add Comment