Beirut, 11 Oct 2024: Israel aro Hezbollah la bitor la war dangor hoina ja time te, Lebanese la manu khan etu laka dam terai ase. Rati te dikhi pai taikhan la bhui toh. Israeli military khan manu khan ke koishey taikhan la building, ghor toh chari kina jabi airstrike pra bachibo koileh.
Moein Shreif ke 3am te uthai dishey taila ghor osor la manu pra. Taike janai dibo leh ki Israel khan taikhan la jaka la osor building ke hamla kuribo leh ase.
Shreif, taila maiki aro tinta bacha joldi taikhan la building pra olai na gari pra polai jaishey. Olop minutes par hoi kina bomb phutala awaz ahishey. Tai koishey etu din wapas jai na sai toh taila building aro next ghor toh pura biya hoi kina thakishey.
Shreif, Lebanese folk aro pop gana kura manu koishey tai time b panai dress kuriboleh. Tai etu rati la pajamas chulai kina thakishey. Ghor pra b eku lubo parinai.
Hezbollah aro Israel Gaza te war shuru hoi kina hotai din ekjun ekjun ke hamla kuri thake. Hezbollah khan koishey Gaza te cease-fire nahwa tak Israel te rockets mari thakibo
Add Comment