Arunachal: Fake porn video bana karne duita manu ke dhurishey

Naharlagun, 13 Oct 2024: Naharlagun police khan cybercrime ekta jani paishey. Local maiki laka photo loina fake pornographic video banai kina spread kuri thakishey. Mihin Gambo, Superintendent of Police, ICR Naharlagun pra koishey. SP pra koishey maiki toh echa Guwahati te puri ase. Taila photo toh pornopraphic video te chulai kina social media khan ke spread hui ase jani pa pichideh crime toh report kurishey. Video toh Telegram app, Arunachal Girl’s VIP la nam te share kuri thakishey. Manu khan puisa pra kina khan sabo pari thakishey. SP pra janai dishey. Taila complaint hunikina case register kurishey. Investigation launch kurishey bhal officers khan la team milikina. Team te Insp K Dev, OC PS Naharlagun, SI Niri Rama aro SI Vivek Linggi thakishey. Taikhan sop SDPO Naharlagun Paul Jerang aro SP Naharlagun Mihin Gomba la under te kam kurishey etu biya kam manu khan bisarikina dhuriboleh. Technical aro conventional investigative rasta chulai kina team pra etu galti kam kura khan ke paishey. Police team khan taikhan la location bisari kina duijun ke b Naharlagun, October 11 te dhuri loishey.