Southern Lebanon te Fifth peacekeeper jokom hoishey

Lebanon, 13 Oct 2024: UN Interim Force, Lebanon te thake khan pra koishey UN peacekeeper aro ekta jokom paishey southern Lebanon (Unifil) te. Bunduk la guli pra jokom hoishey. Olop din hoi kina fifth manu ase jokom pa toh. Saturday din te Unifil khan pra koishey peacekeeper ekta jokom paishey taikhan la headquarter te. Etu toh Friday din rati te, Naquora laka southern city te hoishey. Taikhan b najaneh koishey kileh guli mara mari hoishey. Tai echa Naqoura Hospital te surgery jai ase guli toh olaboleh. Echa taila halat thik thak ase koishey. US president Joe Biden pra Friday din te koishey tai Israel khan ke Lebanon te UN peacekeeper khan ke guli namaribi koi kina. Thursday aro Friday din te enika same hoishey. Israeli force khan pra UN peacekeeper khan ke taikhan la jaka pra olabi koishey. Unifil la spokesperson  pra Saturday din te koishey ki decision loishey taikhan border side te thakibo koi kina.