Cubans khan taikhan lakha janwar chari kina jai ase

Havana, 13  Oct 2024: Balto, Pepa aro Mami khan lucky wala ase. Taikhan la malik khan pra taikhan ke nasai kina Cuba pra jaishey, nahoileh taikhan ke morom nakura hoishey. Island la animal activists pra taikhan ke bachai dishey. Taikhan ke bhat khilai, dawai mari dishey aro taikhan nimite nutun ghor dishey. Bishi khan enika luck panai, echa b rasta te enika misa mishi birai ase. Echa tak exact number najaneh kiman ta janwar ke chari dishey taikhan la malik khan island chari kina. 2 saal hoishey kuta aro billi ghor nathaka bishi uthi jaishey. Animal activists pra koishey. Elizabeth Meade, Adoption for love la malik, ekta animal shelter ase Havana te. Tai pra koishey taikhan ke call ahishey ekjun manu pra taikhan la janwar ke sai dibi koi kina. Taikhan enika achanak  olai jaishey aro najaneh hoishey taikhan la janwar lokot ki kuribo. Olop saal par hoishey taikhan la shelter 300 janwar nishina ke sai dishey. Bishi ke toh wapas kuri dishey. Kunba toh hari jaishey taikhan la nutun malik khan b alak jaka te ola ja time te taikhan ke chari kina. Maede koishey taikhan karne bishi morom lageh.