Pakistan te 11 jun murishey tribe lakha jakara te

Pakistan, 13 Oct 2024: Tribe khan guli marikina jakara hoishey. Tadeh pra maiki aro bacha khan b jokom hoishey. 11 jun murishey aro 8jun manu jokom paishey, maiki aro bacha khan ase tadeh pra. Northwestern Pakistan te tribe khan jakara kurikina. Local official pra koishey. Kurram district, Khyber Pakhtunkhwa province te jhamala dangor hoishey. Saturday din te duita manu biya pra jokom paishey . Tribe khan jakara kurina  guli mara mari time te hoishey. Echa b bhal pra najaneh kina  aro kina guli mara shuru hoishey. Gari khan ke b mara shuru hoishey district la alak jaka khan te , etu nimite aro dangor nuksan hoishey. Senior Official Javedullah Khan pra koishey. Khan pra koishey taikhan koshis kuri ase rasta jaboleh bisariboleh aro jakara toh rukhaboleh. Jokom khan ke toh hospital te loi jaishey. Pir Haider Ali Shah, purana parliament manu aro tribal council la member pra janai dishey ki dangor manu khan Kurram te ahishey. Jakara toh bhal pra khotom kuriboleh  tribes khan la mojot te. Last month te b 25 jun murishey. Shia aro Sunni Muslims la mojot te jakara hoishey mati nimite.