Shanghai, 14 October : World no. 1 Jannik Sinner laga impressive skills dikhai kina Serbian great Novak Djokovic ke harai thakise aru Sunday din Shanghai Masters te tour-leading satmo title jitilobo parise.
Italian player Sinner 7-6 (7-4), 6-3 score te Djokovic ke haraise, aru 2016 te Andy Murray laga nau title jitibar picheh, ekta sal te chho pora beshi title jiti thaka patham manu banise. Itu ek ghonta 37 minute laga match jitibole picheh, Sinner laga personal best 65 wins ekta season te register korise.
China te jiti thaka picheh, Sinner 10 sal pora patham khiladi banise jun Djokovic ke tinbar bhal consecutive matches te harai loise. Last manu jun etu achieve korise to Rafael Nadal ase, juntu 2013 te Roland Garros, Montreal aru US Open te Djokovic ke harai thakise.
Sinner pichla doita meeting, Davis Cup Finals aru Australian Open te bhi Djokovic ke haraise. Shanghai te, Sinner ekta high-pressure first set tiebreak 24-8 record korikina jitise, aru second set majote 4-1 lead loikina second set 6-3 te seal korise.
Djokovic, jun 100 tour-level titles (Connors aru Federer pora) jiti bohut limited manu khan majote ginta join koribo try korise, to Sinner laga powerful serve pora rukhibo lagise. Sinner laga first serve pora 81% points jiti thakise, ATP stats hesaap te.
Swiss legend Roger Federer aru young Spaniard Carlos Alcaraz audience majote bohi thakikina match enjoy korise. Post-match interview te Djokovic koise ki Federer ke stands te dekhibole used to nohoi aru tai wish korise ki tai Federer saathe ekbar khilibo mun ase.
Add Comment