Karachi, Pakistan, 14 Oct 2024: Pakistani police khan thousands plus protesters khan ke tear gas aro baton khan chulaishey Karachi te, Sunday din te. Protesters khan security barricade te bangabo leh try kura pichideh.
2,000 far-right Islamist party la supporters khan ahibo kurishey jaka la press club te. Civil group khan demonstration dikhabo thaka ke mana kuriboleh ahishey. Blashphemy suspect custody te thaka time te murai dia la demonstration dikhabo thakishey civil group khan pra.
Tehreek-e-Labbaik Pakistan party la supporters khan officers khan ke phator philaishey. Police khan taikhan ke press club napunchibo nimite rukha time, Patrol gari b julai dishey.
Party khan pra koishey taikhan la ekta manu kurishye. Police khan 20 nishina manu ke dhurishey duita side pra b.
Provincial interior Minster Zia UI Hassan koishey authorities khan jani thakishey enika jakara hubo koina. Kileh koileh political party aro civil society groups duijun b same din te protest kuribo koina kuishey.
TLP supporters han Pakistan’s controversial blasphemy law ke support kureh. Etu law toh kun Islam ke insult kureh tai toh muribo lageh.
Add Comment