Ukraine, 14 Oct 2024: Ukrainian President Zelenskyy pra koishey ki North Korea toh khali taila hatiyar khan phata nahoi Russia ke. Taila soldier b phatai ase Russia ke war te madat kuribo nimite.
Zelenskyy Sunday rati te taila video te koishhey Russia aro North Korea toh ekjun ekjun ke bishi madat kuri ase. Echa toh khali hatiyar khan phatai la khota nahwa hoishey. Echa toh North Korea khan taila manu ke phatai ase taikhan military force te.
Tai koishey Russia aro taikhan la alliance kara hwa nimite Ukraine aro taila party khan b change kuribo lagibo. Etu karne tai aro bishi military support mangishey dangor war rukhabo nimite.
Front line khan aro madat lageh. Tai koishe Ukraine ke aro dangor long-range hatiyar aro bishi supplies dileh b etu toh khali military nimite nahoi. Russia khan ke aro pressure dibo nimite ase. Etu pressure toh Russia khan ke lubo naparibo leh. Enika kurina war toh rukaboleh.
Zelenskyy taila Ukraine allies khan request kurishey longer-range missile chulabo. Russian khan la bitor military ke hamla kurina kanya kuribo nimite. Hoileh taikhan namaneh.
Tai koishey tai try kuri thakibo taikhan acha nakwa tak.
Add Comment