Odense, 15 October : Olympic medalist PV Sindhu aru Commonwealth Games champion Lakshya Sen India laga challenge lead kuribo Denmark Open badminton tournament te, jun Tuesday para shuru hobo.
Recent Arctic Open te Sindhu aru Sen para BWF touring circuit te wapas ahise, Paris Olympics piche, kintu impress kuribo parianai. World number 16 Sindhu first round te Canada laga Michelle Li opor te straight games harishe, aru Sen pre-quarterfinals te Chinese Taipei laga Chou Tien Chen ke hara bole parianai.
Sindhu laga notun coaching team, India laga Anoop Sridhar aru Republic of Korea laga Lee Soon Il logot, Arctic Open te journey shuru kurise. Itya Sindhu laga aim tou consistency asey aru fire ulaikena wapas top form te ahibole, juntu karone tai dunia te ekta feared badminton khiladi ase.
Sen Denmark Open te mota laga singles te India laga ekla representative ase, aru China laga 17th ranked Lu Guang Zu logo te first round te kheli thakibo. Dusra side te, Sindhu Chinese Taipei laga Pai Yu Po, jun world number 28 ase, opor te match thakibo.
Mahila laga singles te India para Malvika Bansod, Unnati Hooda, aru Aakarshi Kashyap bhi participate kuribo. Bansod China Open (BWF Super 1000 event) laga quarterfinals puchte parise kintu Arctic Open te pre-quarterfinals te eliminate hoise.
Mota laga doubles competition te koi bhi Indian pair nai. Kintu mahila laga aru mixed doubles events te India laga four pairs represent kuribo. Panda sisters, Rutaparna aru Swetaparna, Chinese Taipei laga Chang Ching Hui/Yang Ching Tun logo te match kuribo, aru Treesa Jolly/Gayatri Gopichand Malaysia laga fifth-seeded Tan Pearly/Thinaah Muralitharan opor te mahila laga doubles te first match kheli thakibo.
Mixed doubles te, Sathish Kumar Karunakaran/Aadya Variyath Indonesia laga Rehan Naufal Kusharjanto/Lisa Ayu Kusumawati logo te aru B. Sumeeth Reddy/Sikki Reddy Canada laga Kevin Lee/Eliana Zhang opor te round one te khelibo.
Denmark Open 2024 badminton: India squad
Add Comment