Imphal, 15 October : Manipur High Court Chief Justice Siddharth Mridul khan announce kuri dise ki ekta permanent mediation centre high court te khulibo, aru etu jaldi implement hobo.
Etu announcement Monday te hoise, jabole 40-hour mediation training program laga inaugural session cholise, jun High Court of Manipur, High Court Legal Services Committee, aru Supreme Court of India laga Mediation Conciliation Project Committee (MCPC) milikina organize kuri ase.
Etu initiative laga objective hoise court laga burden komai, aru timely justice aru amicable dispute resolution ensure kuri bole ekta efficient platform provide kuri dibo.
Chief guest hisebe inaugural program te present thaikina, Justice Mridul janai dise ki etu 40-hour training program khas High Court Bar Association laga advocates khan karone organize kuri ase.
October 18 te etu program pura hobole ase, aru etu training advocates khan ke necessary skills di dispute khotom kuri bole facilitate kuri dibo. Justice Mridul koi dise ki mediation ekta alternative mechanism ase jun dialogue, mutual respect, aru reconciliation promote kuri, conflict resolve kuri bole help kuri ase.
Permanent mediation centre khuli jabo karone, early dispute resolution facilitate hobole pare aru court laga workload bhi komti hobo.
Program te lagbhag 30 trainees participate kuri ase, jun intensive mock sessions, lectures, aru practical courses milaikina MCPC laga mandatory training requirements hesaap te design kuri dise.
Training sessions ke conduct kuri ase renowned Delhi-based advocates Deepak Kumar Dhingra aru Reema Bhandari.
Add Comment