Porana hockey forward Sandeep Michael murishe

Bengaluru: Porana Indian hockey player Sandeep Michael, kun pora   Indian junior team captain kurikena   Asia Cup gold 2003 te lead kurishe , Friday din murishe  neurological problem pora .Etu porana forward toh  33 sal thakishe. “Sandeep toh ekta private hospital te murishe   .Tai demak laga beemar thakishe aro tai ke November 18 te hospital te luijaishe  .Tai coma te jaikena bachabole paranai ,” Karnataka State Hockey Association Secretary K Krishna Murthy  pora PTI ke koikena janaishe .Michael’s  laga  funeral  toh Saturday Singapura church cemetry,  te lobole  ase,Murthy koikena janaishe.Micheal laga India laga carrear shuru huwa toh 2003 junior Asia Cup te thakishe etu te tai pora  most promising player jitishe .Tai pora  Pakistan aro  Korea logote khela te goal score kurishe.Tai pora ki laga position nohoile toh position hoilebi  goal ghussai thakishe .Tai laga skill pora coach khan khushi paishe aro fans khan pora bi bhal lagise  ,”Murthy koikena janaishe .Tai laga baba John Michael toh  ekta  state-level volleyball player aro ama Alamelu track-and-field athlete aro  state-level kho-kho player  bi thakishe .Micheal laga chotu bhai  Vineet, bi hockey khelari ase  aro Karnataka ke represent kurishe  Sub-Junior Nationals 2002 te .Micheal pora naam kaama toh  senior level te Australia te huwa tournament 2003 te thakishe  .2001 te tai pora desh nimete debut kurishe  Under-18 Asia Cup Ipoh  Malaysia te Jugraj Singh bithor te .Tai toh  Indian development teams2002 aro 2003 te huwa Akbar-el-Yom Cup competition kuntu te tai khan pora gold aro bronze medal jitishe etu time te tai thakishe  .Murthy koikena janaishe  .