Assam, 16 October : Assam laga Kaziranga National Park te 446 pora besi species laga butterfly discover kori loise, ekta bara breakthrough te.
Itu notun discovery India te second highest record hoise, prothom Namdapha National Park (Arunachal Pradesh) te ase.
Kaziranga park Himalaya aru Patkai mountain range bahar te locate thakibole, eneka species diversity paana ekta remarkable achievement ase.
Itu discovery Dr. Monsoon Jyoti Gogoi laga extensive research pora paise, kun Kaziranga pora ahi thaka jawaan scientist ase.
“Butterfly Conservation Meet-2024” sob pora prothom bar September 27 pora 29 tak rakha hoise, aru desh pura pora 40 jon butterfly enthusiasts itu event te part loise.
NEHU (North Eastern Hill University), Cotton University, Assam laga alak colleges, Maharashtra Forest Department, Corbett Foundation, aru North East Butterflies group laga main members bhi itu event te attend korishey.
Event te butterfly laga detailed records aru butterfly status upor focus kori thakise. Program laga aim Kaziranga te butterfly conservation laga importance awareness raise kori thaka ase.
Itu event region laga rich species diversity highlight kori, research, monitoring, aru habitat protection initiatives aro increase koribo encourage kori ase.
Butterflies ke Kaziranga laga conservation priority te “Big Five” sathe include koribo target ase – Bengal tiger, Indian rhinoceros, Asian elephant, wild water buffalo, aru swamp deer.
Add Comment