Bangladeshi Manu Khan Assam Laga Rasta Chulai Kina India Te Gushea Ase

Guwahati, October 19, 2024: Border Security Force (BSF) toh sakat kurishe Bangladesh manu khan ke sabole. Enika hoi kina bi Bangladeshi aru Rohingya manu khan  etea bi lokai kina gushea ase India te. Aru Assam te buhibole nababi kina manu khan alak Northeast laga jagate buhibole khushis kurea ase. Etea foreign manu khan India laga alak alak jaga te punchishe.Bangladeshi aru Rohingya para ahea manu khan ke, Assam laga train station para durea toh, yete para janibole parea toh, foreigners khan India laga alak alak jagate jabole khushis kurea ase.Railway Protection Force (RPF) Director General Manoj Yadava para Assam Tribune ke koishe ki RPF sepai khan foreigners aru bia manu ke train khan te duribole pathai dishe koishe.Aru tai para koishe ki, 2023 te RPF khan para 391 Bangladeshi aru Rohingya manu khan ke durishe koishe. Train para, aru etu toh bishi vak Northeast para. Etu bi Assam te he bishi ase koishe. Aru etu saal September tak, taikhan 245 foreigners manu ke durishe koishe.