October 21, 2024: October 20 din te, Mizoram laga Police para ekta manu ke durishe, Heroin Rs 7 lakh laga dam thakhi kina, Vairengte laga jaga para.
October 19 din te Police para ekta gari ke rukhai she, etu gari toh Assam laga Silchar te jai thakhishe. Aru etu toh Vairengte laga Check Gate para durishe. Aru bisarea homoi te taikhan 239.18 Gram nishina Heroin toh durishe. Aru etu laga dam toh 7 lakh nishina ase koishe.
Etu duri kha manu laga nam toh Lalchhanchuaha ase, aru taitu 38 saal chokra ase. Tai toh Kolasib laga Venglai East jag ate thakhea koishe.
Aru Police para koishe ki, tailaga driver toh, Khundra Pam ase, aru tai toh 55 saal laga chokra ase. Tai toh Kolasib te thakhea koishe. Hoilebi tai toh polabole parishe koishe.
Police para koishe ki, etu case toh Narcotic Drug aru Psychotropic Substamces (NDPS) Act laga bitor te dali dishe koishe. Aru etu te taikhan investigation bi kurea ase koishe.
Add Comment