Agartala, October 23, 2024: Operation ekta te Police khan poisa aru suna chor hoa khan toh sob wapas pai loishe. Etu chor toh tribal manu ekta laga haat para chor kurishe koishe. Etu khobor hunea toh DSP Rangadulal Debbarma aru Khowai Police Station laga Officer incharge Subir Malakar para media manu ke koishe October 14 din te. Etu chor manu toh Anurai Debbarma laga Athaibari Bosti toh Khowai Police Station laga bitor te thakhea koishe. Hoilebi etu complaint toh October 21 din te he khobor dishe koishe, (Case no-66/2024) Under Session 331 (4), 305 (A) and 35.
Etu te Police khan phat tarika loishe aru khobor paishe ki Akash Debbarma Of Ram Dewan Chowdhury Para Bosti toh Tulasikhar Police Station laga bitor te thakhea toh chor kurishe koishe. Police laga Party khan para Akash Debbarma ke uthai kina Khowai laga Police Station te anishe koishe. Aru khobor mangea homoi te, Akash para koishe ki, October 14 laga rati te tai chor kurishe koishe. Aru chor kurea laga mobile phones aru Suna khan toh Saumen Debnath aru Pranesh Das of Chebri aru Kalyanpur Jaga te thakhea laga mnau khan ke bikai dishe koishe.
Police laga hisab te etu duita suna kinea manu ke durishe koishe aru Chor hoa laga suna khan toh wapas loishe koishe. Hoilebi Poisa chor hoa khan toh etea bi Akash laga haat para panai koishe, aru tai toh etea jail te ase koishe.
Add Comment