Agartala, October 23, 2024: Government Railway Police (GRP), Railway Protection Force (RPF), aru Border Security Force (BSF) khan sob milikina Joint Operation Kurishe. Yete taikhan 3da Rohingya manu aru duita Bangladeshi para ahea manu ke durishe koishe, Agartala laga Railway Station te.
Aru Tuesday din taikhan sob pasjun kebi Court laga ageate ani dishe koishe.
GRP Station laga Officer-in-charge para koishe ki, Secret khobor pa laga hisab te, BSF, RPF aru GRP sepai khan bishi tayari thakhishe Agartala laga Railway Station te, Aru kunba officer khan uniforms laga nai, manu khan para taikhan k echini bole nadibo karne. Aru Monday rati hubole homoi te, taikhan pasjun manu ke durishe koishe. First taikhan Indian manu he ase koishe, hoilebi pichete taikhan para husa koishe ki, taikhan border toh dobor josh paar kurishe koishe. Rohingyas khan toh Hyderabad jabo thakhishe, aru Bangladeshi manu khan toh Mumbai jabo thakhishe koishe.
Police khan para bi taikhan laga Bangladeshi laga poisa, documents aru mobile phones khan bi uthai loishe koishe. Taikhan etu phones khan toh loikina tarika khan kurea ase koishe, aru khobor khan pabo nimete.
Case bi dali dishe koishe BNS,IPP Actr aru Foreigners Act laga pitor te,etu toh Government laga Railway Police Station Agartala Te.
Add Comment