October 24, 2024: 24 October 2024 din deh, Nagaland Stat Disaster Management Authority (NSDMA) kan para taikan laka annual Nagaland Emergency Preparedness Exercise (NEPEx) 2024 keh conduct kuri shae, Kohima deh. Taikan ekta 6.9 magnitude laka large-scale earthquake scenario keh stimulate kuri shae. Mock drill, kuto emergency teams laka preparedness aro coordination keh sabo karne aim ase, etu tho pastha key jaka kan deh conduct kuri shae. Etu jaka kan tho Government Middle School (Bayavü), Directorate of Industries & Commerce office, Naga Hospital Authority Kohima (NHAK), Miachieo Lhithochü, aro Sanuorü Bridge taki shae.
Deputy Commissioner laka Office deh ekta central command keh set up kuri shae aro High School ground keh staging jaka banai di shae, emergency responders kan karne. Etu laka upor deh ekta relief camp b set up kuri shae, Indira Gandhi Stadium deh. Etu relief camp tho victims kan keh shelter aro aid dibo karne set up kuri shae.
Drill deh alak alak departments para aha teams kan taki shae. Administration, police, firefighters, medical personnel, aro alak stakeholders kan. Taikan alak alak bana emergencies kan keh respond kuri shae. Goal tho emergency response laka effectiveness keh sabo karne kura ase.
Drill tho bhal para kuri leh b, kun bah challengers kan keh note kuri shae, transportation, delays, communication issues nishi nah. Etu tho walkie-talkies nishi nah saman kan eman nata ka karne ase aro sirens kan b nahu nah karne ase.
Add Comment