NSDMA para Dimapur deh earthquake disaster mock drill conduct kuri shae

October 24, 2024: District Disaster Management Authority (DDMA), Dimapur kan Nagaland State Disaster Management Authority (NSDMA) lokot deh milai nah, House Department pitor deh, ekta state-wide earthquake disaster mock drill conduct kuri shae, 24^th October 2024 din deh.

Zakabo V. Rotokha, Additional Deputy Commissioner (ADC) aro Incident Commander of DDMA Dimapur para DC laka Conference Hall deh ekta briefing di nah drill tho shuru hui shae, Etu drill tho district laka preparedness tho sabo karne aim taki shae, earthquake nishi nah disasters karne.  Mock drill tho staging jaka kotom hui shae. Etu jaka deh Rotokha para taila kushi tho janai di shae, sob departments, schools aro colleges kan kam kura karne.

Mock drill para Dimapur Government College, Pantaloons Shopping Mall, GHSS Lingrijan School, Forest Residential Area, Indian Oil Corporation (IOC) Limited Dimapur Depot, Primary Health Centre (PHC) Duncan, aro DC Office Dimapur laka jaka kan deh alak alak disaster scenarios kan keh simulate kuri shae,

Mock drill tho successfully kotom hui jai shae aro district laka disaster response capabilities deh bishi lakia information kan di shae.