October 24, 2024: India Army, Assam Rifles khan Manipur Police aru alak Security Forces khan logote mili kina joint operation kurishe. Aru taikhan 11 banduk hatiar aru guli khan bi paishe koishe, Valley region districts Churachandpur, Chandel aru Thoubal laga Manipur te.
Ministry of Defence laga khobor hisab te, October 22 din te Churachandpur District te operation toh suru kurishe koishe Indian Army para. Aru Manipur Police aru CRPF khan Thoroilok jagate operation kurea homoi te, taikhan duita country para banai laga Mortar (POMPI) hatiar, ekta pistol, grenades, phutea laga saman, guli aru larai kuribole laga daba khan bi paishe koishe.
Etu laga eki din te Assam Rifles aru Manipur Police khan .303 rifle, ekta Single-barrel Rifle, guli khan paishe koishe Lamzang laga bosti te, etu toh aru Bongbal Bosti laga Osor te ase koishe.
Add Comment