6 World Championship Gold Medal cheta Mary Kom ahke maiki ase

MC Mary Kom pora Ukraine desh laga Hanna Okhota ke 48kg Light Flyweight Final te 5-0 huikena chetaidiya pora edia toh kahani te ekta bhal naam gaamaise. Etubi KD Jadhav Indoor Stadium, New Delhi te Saturday din khela time te. Etu pora tai edia toh Women’s World Championship te 6 Gold Medal bai kena ase. Aro etu pora duniya laga maiki kan majutte 6 bar World Championship lua toh tai hi ahkete wala ase koise. MC Mary Kom pora boila Women’s World Boxing Championship cheta toh 2002, 2005, 2006, 2008 aro 2010 te thakise. Etu pora tai 5 bar hi World Championship toh lui thakise. Etubi Ireland desh laga Katie Taylor ke chetaide kena Gold Medal lua bejete. Etu bejete etu sal New Delhi te Ukraine desh laga maiki chetaide kena 6 bar World Championship Gold Medal baa huise. Eneka huikena edia toh tai duniya sob laga maiki kan majutte 6 bar World Championship cheta ke ahke naam te ahe kena ase koise. Etu pora kahani te tai bhal naam gaamai ase koise.New Delhi te etu Women’s World Boxing cheta bejete MC Mary Kom porabi India desh logot etu chetaidiya laga khushi janai ase (dedicate) koi kena janaise. Aro etu chetaide kena 6 bar Gold Medal toh Boxing khela ke lobole bara pora Cuba desh laga Felix Savon logot eke nesena huijai ase. Kele etu Felix Savon porabi 1986 aro 1989 sal majutte World Boxing Championship te Gold Medal chete kena ase koise.