November 1, 2024; US Presidential Election tho osor aha time deh, celebrities kan manu kan keh vote kuri bole mati ase. Former President Republican Donald Trump tho former Democrat VP Kamala Harris laka against ekta tight contest deh ase. Etu Thursday din deh, Harris tho ekta boost pai shae, dunia laka sobse dangor film stars kan para taike endorse kura karne.
Friday din deh, Marvel Cinematic Universe laka kun bah sobse dangor stars kan para ekta rare public reunion banai shae, ekta video call deh, Taikan laka meet laka video tho Robert Downey Jr para share kuri shae, Instagram deh, Video deh Iron Man actor aro taila co-star Chris Evans (Captain America), Scarlett Johansson (Black Widow), Mark Ruffalo (Hulk), Paul Bettany (Vision), Danai Gurira (0koye), aro Don Cheadle (War Machine) taki shae, Kamala Harris keh support kuri bo karne
“Eki lokot ahi nah etu election deh vote kuri bole ola tho mukan kushi ase,” Danai Gurira para video deh kui shae aro “Kamala Forever” tho taila phrase ase kui nah suggest kuri shae. Cast para alak alak phrases kan suggest kuri shae. Etu phrases kan sob taikan nijor laka film aro character para ola ase. Last deh tho taikan “Mui Kamala Harris ase aro mui democracy lokot deh ase,” phrase deh settle kuri shae.
Add Comment