RAIPUR, NOVEMBER 25 : Saturday din Chhattisgarh state, Dantewada District laga alak-alak jaka pora 4 jun Naxal bithormanu thurise. Etu ke 2 jun toh maiki ase koi kena, Police pora janaise.
Dantewada Superintendent Police Abhishek Pallava pora PTI khobor te 4 jun Naxal bithormanu thura majutte 3 jun toh Bhansi Police Station laga jungle te thurise. Aro 1 jun toh Barsoor jaka pora thurise koi kena janaise.
Etu Bhansi jaka pora thura kan toh Meena Telam koi kena 22 sal dangor, Maoist bithormanu laga “Area Supply Team” incharge nemite thaka; Manglo Telam koi kena 25 sal dangor, Mirtur Local Organisation Squad (LOS) laga member aro Bhima Kunjam koi kena 25 sal dangor, Maoist bithormanu laga Front Outfit kobi Dandakaranya Adivasi Kisaan Majdoor Sangathan laga member kan ase koi kena SP Pallava pora janaise. Aro Official pora koa hisabte tusera 1 jun toh Maoist bithormanu “ Jan Militia Commander”, Dashman Kawasi koi kena 45 sal dangor ase. Aro tai nemite chute thurise koile Rs. 1 lakh poisa debo koi kena thaka laga ase koise.
Add Comment