“Novak Djokovic tho giri shae koi nah biswas nakuri b’: Sinner coach para warning di shae

November 10, 2024: Novak Djokovic tho ATP Final deh naki leh bo, jokom taka karne. Etu eki jokom karne tai Paris Master para olai jai shae. Djokovic tho defending ATP Final Champion ase aro 2024 sal deh khali Olympic gold heh jiti shae. Sport Klub deh kotha kura time deh, Djokovic para tai 2025 sal deh wapas ahi bo kui shae, taila 25^th major tho jiti bole. Italian media outlet Corriere della Sera keh kotha kuta time deh, Jannik Sinner laka coach Dareen Cahill para players keh Djokovic laka warning di shae aro taike ekta legend mati shae. “Djokovic tho giri shae kui nah biswas nakuri b. Tai tho ekta legend ase aro legends kan hotai dictar jaka para rasta bisareh. Tai enaka taka karne 24 Slams jiti shae. Tai etu tho Paris 2024 Olympics Games deh gold medal jiti nah dikai shae. Sinner laka goals? Mukan ranking deh eman focus nadi bo; Sal laka kotom deh number 1 taka tho bishi bhal result ase; hoile b mukan Slams karne physical aro technical level tho utha bole lakeh, Australia Open para shuru kuri nah,” tai para kui shae.