China, Zhuhai, 12 November 2024: Zhuhai laka Chinese city Monday din saam te, gari ekta stadium laka bhar te fast chulai kina manu bishi ke jokom punchai dishey, police khan pra koishey
62 saal mota driver , surname Fan ke dhuri loishey.
Local reports khan pra estimate kuri shey atleast 20 manu Zhuhai Sports Centre te exercise kura time jokom paishey aro hospital te phatai dishey. Etu Incident toh city te security uthai dia jaka te hoishey, tadeh major civil aro military airshow host kuri ase.
Tadeh laka dhika manu khan pra incident laka video post kura khan sop Chinese social media pra olai dishey hoileh b kunba video echa b online te birai ase. Tadeh dikhi paishey manu ke mati te humai thaka laka aro kunba ke paramedics khan pra aro osor laka manu pra sai dia la.
Kunba victims khan toh hos te thaki nai. Eyewitness Mr Chen pra Chinese News magazine Caixin ke koishey ki atleast manu khan 6 group nishina thakishey stadium te jama hoi kina tai khan laka hotai din walk nimite, etu time te etu hatsa hoishey.
Groups khan taikhan birabo nimite rasta bana toh chulai , etu stadium laka perimeter trace kureh.
Gari toh round kuri kina chulai thakishey, aro manu khan running track laka jaka te jokom hoishey-east, west, north, south. Alak eyewitness pra koishey Caixin ke.
Add Comment