Israel, 13 November 2024: United State khan pra koishey ki Israel khan aid supplies block kura laka American law toh echa tak breach kuri nai, taikhan pra Israel khan ke 30 din deathline dishey Gaza te humanitarian aid boost kuribo nimite. Nahoileh kunba military madat toh nadia hoi jabo laka risk thakibo.
Officials khan pra Tuesday din te koishey ki Israel khan pra olop steps loishey taikhan laka demand address kuribo leh, Gaza te supplies jabo nimite. Hoileh b koishey ki aro kam kuribo lageh.
State Department spokesperson Vedant Patel pra new land crossing laka khula cite kurishey aro north te deliveries khan aro chalu kurishey. Hoileh tai eku kwa nai besieged Jabalia refugee camp te gusa laka.
United State khan pra koi kina b, UN khan pra warned kurishey ki Gaza te etu saal aid pa toh sopse nichi level te ase.
UN- backed report khan pra recently warn kurishey ki northern Gaza te famine hubo leh bishi chance ase, tadeh last month khan pra hardly olop aid he jabo parishey.
Joyce Msuya, United Natiton laka humanitarian affairs laka secretary general pra koishey ki international crimes khan kuri ase Gaza te. Ms Msuya pra council members khan ke United Nations te khata pra janai dishey tueday din te, report koishey ki Israeli authorities khan humanitarian madat khan ke rukhai thakishey North Gaza te gusi boleh. Tadeh echa b jakara kuri ase.
Add Comment