Russian drones strike khan test kuri ase Ukrainian defences te aro family khan biya kuri ase

Ukraine, 13 November 2024: Maria Troyanivska ghor te joldi ahishey, rati te Russian drone pra tai laka bedroom ke lagi kina.

Tai laka ama Viktoria pra BBC khan ke koishey ki drone toh window par kuri kina urishey aro sati room te ahishey. Etu phuti kina tai aro tai laka mota Volodymyr next room te polai jaishey aro tai khan laka maiki bacha la room b juli thakishey.

Tai khan jui mutabo koshis kuri shey hoileh b sop toh kara pra juli thakishey, kandi kandi kina koishey. Sus lubo leh ekdum pari nai- tadeh pra olai jabo lagishey.

Russian Shahed drone pra 14 saal bacha ke tai laka room te murai dishey, taikhan la apartment te, Kyiv te last month.

Tai sati muri kina juli jaishey, tai laka ama pra koishey. Taikhan tai ke closed coffin te dapai dishey. Bachi boleh eku chance thaki nai.

Russia khan bishi hamla kuri ase drone strike pra Ukraine te. 2,000 opor nishina launch kurishey October te, Ukraine laka general staff laka hisap pra.

Etu same report pra koishey Russia khan 1,410 drones fire kurishey September te, aro 818 August te. Aro etu laka agae three months te 1,100 nishina.

Ukraine te Russian drones khan bishi chula toh  Iranian-designed Shaheds ase: propeller-driven, alak wing laka shape aro deadly warhead pack kuri na nose cone te.

Russia khan duplicate drones b launch kura shuru hoishey bomb natha kina, Ukraine’s air unit khan ke jukabo nimite aro taikhan laka goli waste kuribo leh.