Mumbai, 14 November : Malayalam movie The Goat Life doita nomination pai se 2024 Hollywood Music in Media Awards (HMMA) te. Oscar-winning composer AR Rahman ke Song-Feature Film category te Periyone track nimite nominate kura ase. Itu gaan Rahman aru Rafiq Ahamed mili kena likhi se, aru Jithin Raj perform kuri dise.
Rahman laga nomination Score-Independent Film category te bi ase, Malayalam movie Aadujeevitham laga background score nimite. Itu film, jun Prithviraj Sukumaran ke star kuri ase, March 2024 te release kuri dise.
The Goat Life laga official Instagram page bhi itu doita nominations celebrate kuri ase. Singer Jithin Raj bhi nomination share kuri se Periyone song nimite, aru movie laga director Blessy aru Rahman ke opportunity aru constant support nimite dhanyobaad di se.
The Goat Life, jun 2008 bestseller novel Aadujeevitham (Benyamin pora likha) te based ase, ekta jawan mota Najeeb laga asli kahani follow kuri ase, jun early ’90s te Kerala laga lush green shores pora migrate kuri foreign desh te fortune search kuri ahe se. Visual Romance pora produce kuri thaka itu movie te Amala Paul, KR Gokul, Hollywood actor Jimmy Jean-Louis, aru Arab actors Talib al Balushi aru Rik Aby bi main roles te ase.
Hollywood Music In Media Academy pora organise kura itu HMMAs original music honor kuri globally, film, TV, video games, trailers, commercials, documentaries aru special programs ke milaikina.
2024 HMMA nominees te diverse talent showcase kuri ase, juntu te pop icons Elton John, Brandi Carlile, Miley Cyrus, Lainey Wilson, aru Pharrell Williams laga naam ase, aru renowned composers juntu Hans Zimmer, Harry Gregson-Williams, Kris Bowers, aru Trent Reznor & Atticus Ross duo bhi milaikena asey.
Itu award ceremony November 20 te Los Angeles laga Avalon Theatre te thakibo.
Add Comment