Akshay Kumar para Bollywood deh ‘unity, respect’ lakeh kui shae

November 17, 2024: Bollywood superstar Akshay Kumar aro Ajay Devgn, Hindustan Times Leadership Summit 2024 laka final din deh kotha kuri shae. Saturday din deh tuita actors para kinaka Hindu film industry tho South laka chartha film industries para alak ase kui shae. Sonal Kalra, Chief Managing Editor Entertainment & Lifestyle, Hindustan Times, Akshay Kumar, actor, producer aro Ajay Devgn, actor, filmmaker aro entrepreneur lokot deh kotha kura time deh, taikan, Bollywood deh eman unity nai kui nah kotha kuri shae. South film industry kan tho Bollywood lokot deh b unity bishi ase aro bhal kuri ase kui nah papna takeh aro etu deh Sonal para taijun keh huda time deh, Akshay para etu kui shae,” hoi mui agree kureh, mukan lokot deh unity eman nai kui nah. Ajay ki papna kureh, etu tho mui najaneh.” Ajay para etu kui shae,” Mui b etu papna kureh aro etu deh mui kotha kuri takeh. Openings laka nahoi, kuto ekta alak story ase. Hoile b taikan kinaka eki lokot deh ahae aro ekjun ekjun karne ahae, etu mui kushi pai. Etu tho mukan laki ase, Mumbai film industry deh. Mui etu hobo leh hotai mun jai.” Ajay para stars, kun kan 90s deh shuru hui shae, taikan ekjun ekjun karne kara kureh aro jamala kan deh nagu she. “4-5 mukan, kun 90s deh shuru kuri shae- mui, Akshay, Shah Rukh, Salam, Amir aro alak kan- mui jana takt ho mukan eku jamala deh nai. Mukan ekjun ekjun karne ase aro mukan etu janeh. Apni enaka jamala nadi kibo, mukan laka majo deh.”