Netanyahu laka residence te duita flare marishey; Israeli leaders khan hamla toh condemn kurishey

Israel, 17 November 2024:  Duita flare marishey Israeli Prime Minister Benjamin laka private residence te Sunday din te, Times Of Israel pra report kurishey. Israeli police khan pra statement release kureh te hamla laka details khan share kurishey. Jani paishey ki etu hamla hwa time te Netanyahu aro tai laka ghor manu khan kun b thaki nai ghor te. Police khan laka hisap etu light bombs khan ghor laka courtyard te landing hoishey. Police khan pra koishey General Security Service aro Israel Police khan mili kina joint investigation kurishey. Etu bishi dangor mamla ase aro dangerous escalation ase etu nimite necessary investigative actions toh lubo leh lagibo. Incident laka details toh Israel’s Minister of Defence, Israel Katz pra b share kurishey social media platform X te. Defence Minister pra strong call dishey Israeli intelligence agency, Shin bet khan ke aro Israeli Police khan ke enika hoina  sop law enforcement aro judicial agencies khan ke, etu mamla te sabo leh joldi aro ki kam kuribo leh kuribi koina. Katz pra koishey Prime Minister Benjamin laka ghor te light bombs khan fire kurah toh red lines pura cross kuri ase. Aro koishey Prime Minister of Israel karne possible nahoi, ghor pra same dhamki laka subject huboleh, kun ke Iran aro tai laka proxies khan koshis kuri ase tai ke mura boleh.