At least 34 manu ke murai dishey Israeli strike pra northern Gaza te

Northern Gaza, 18 November 2024: Northern Gaza, Beit Lahia te Israeli air strike pra five-storey residential block ke lagai d kina at least 34 manu ke murai dishey. Local civil defence agency pra pra janai dishey. Agency, AFP pra quote kura pra koishey ki manu mura pra bishi wala toh maiki khan aro bacha thakishey, aro bisas ase ki pathor nichina te aro b thakibo. Seven manu nishina b jokom pai shey. Israeli military khan pra koishey taikhan northern Gaza te militant targets khan ke mari ase, Beit Lahia ke milai kina, Hamas khan ke regroup kuribo nadibo nimite. Alak jaka, central Gaza te, three alak laka hamla kurishey refugee camp te. Etu pra 15 manu ke murai dishey. Aro five manu nishina muri jaishey Israeli drone pra south, Rafah te hamla kuri kina. Civil defence pra koishey. Jokom pa manu khan ke bacho leh chance khan toh komti hoi ase kileh koileh shooting aro artillery shelling toh continue hoi ase. Civil defence spokesperson Mahmud Bassal pra koishey. Beit Lahia te residential building laka bacha toh khali pathor khan he ase aro luha khan tera hoi kina. Israeli military khan pra koishey northern Gaza te tai khan laka offensive toh Jabalia pra shuru hoi kina Beit Lahia tak expand hoishey. Aro overnight bishi hamla kurishey aro koishey tadeh jaka laka terrorists khan ke target kurishey. Statement te aro koishey civilian manu ke active war zone pra evacuate kuribo nimite continuous efforts thakishey. Hoileh bishi wala local manu khan toh ghor charibo mon thaki nai.