Delhi, 18 November 2024: National capital te Air Quality Index (AQI) toh severe plus laka category te gusi jaishey, echa tak sopse biya level mark kuri kina. Etu laka jawab te, Delhi Government khan Graded Response Action Plan (Grap) laka Stage IV implement kuri dishey. Chief Minister Atishi pra Sunday din social media platform X te announced kurishey ki class 9 students khan laka classes toh Monday din pra suspend hubo.
Chief minister pra post kurishey, kali pra Grap-IV implement kuri kina, physical classes khan rukhi jabo sop student khan karne, class 10 aro 12 ke chari kina. Pura school online classes thakibo, order alak napa tak.
Etu Delhi-NCR te air quality biya hwa time te, additional restrictions khan implement kuribo region te air pollution toh control kuribo nimite. Aji, Delhi laka air quality toh olop biya hoishey aro, AQI toh Sunday din 7pm te 457 tak uthishey, etu pra severe plus category te giri jaishey.
Grap-IV laka bitor te restriction khan ase- Deisel-powered medium aro heavy good gari Delhi (BS-IV aro purana) te registered kura toh bon ase, taikhan essential saman khan transport kuri ase koileh ekta khota.
Trucks khan non-essential saman bhuki kina Delhi te gusibo napareh, unless taikhan LNG, CNG nahoileh BS-VI diesel te chuli ase.
Non-essential light commercial gari khan Delhi laka bahar pra ahibo leh banned ase, unless taikhan sapa tael CNG, BS-VI diesel nahoileh electric te chulai ase.
Add Comment