Telangana, 18 November 2024: Telangana, Rangareddy district te, Lakshmigusa te achanak blast hoishey Sri Sri Yade Mata Mandir laka osor te. Etu blast toh 10:30 am nishina Monday din te hoishey.
Temple laka priest Sugunaram mandir laka osor te latera khan sapa kura time te etu blast toh hoishey. Tai etu incident te biya pra jokom hoishey aro joldi osor hospital te loi jaishey treatment nimite. Tai laka halat toh echa b critical te ase, initial report laka hisap pra.
Etu information pai kina police khan jaka te punchi jaishey, jaka toh cover kuri loishey aro investigation chalu kuri dishey. Etu incident laka khota kura time te, Assistant Commissioner of Police Srinivas pra confirmed kurishey ki case toh register kuri loishey aro ki Clues team khan evidence khan jama kuri ase janibo kileh etu explosion toh hoishey.
Investigation toh shuru hoishey aro sop possible angles toh sai ase. Aro details janai dibo kicha aro clarity pabo, ACP Srinivas pra koishey.
Blast toh kinika hoishey echa tak b najaneh, hoileh b jaka laka security toh uthai dishey.
Add Comment