India, 18 November 2024: Russian President Vladimir Putin joldi India ke ahibo leh ase, Kremlin’s press secretary pra Tuesday din te announced kurishey. Date laka announcement toh joldi janai dibo, enika koishey.
Kremlin laka press secretary Dmitry Peskov pra koishey ki President Vladimir Putin toh India te jabo laka exact date toh joldi announced kuribo aro Russia khan etu nimite tayari kuri lubo.
Visit kura laka precise date laka khota toh joldi milai lubo… of course Prime minister Modi Russian te duita aha karne, moi khan echa India laka president ke visit kuribo lageh. Etu nimite kuribo napareh, enika koishey.
Putin toh International Criminal Court (ICC) pra taike arrest warrant laka under te rakhi kina ase Ukraine te alleged war crimes nimite.
March 2023 te, jakara shuru hoina 1 year par hwa pichideh, ICC khan pra Putina aro Maria Lvova-Belova, Russia laka Child Rights commissioner, tai jun laka against te arrest warrant issue kurishey, alleged war crimes karne.
Rome Statue laka under te, court’s binding treaty, manu khan laka against kun ICC warrant issue kurishey, taikhan ke detained kuribo lageh taikhan eni country ekta visit kurileh, kun toh ICC laka member state ase.
Hoileh b India toh signed aro ratified kuri nai Rome Statue ke. Etu karne, purana KGB agent ke yete dhuribo naparibo.
Add Comment