Turin, 19 November : Jannik Sinner tai laga season ekdom bhal style te khotom korise, aru tour-leading 8th title jitise tai laga maiden Nitto ATP Finals trophy loi.
Italy laga home favourite Taylor Fritz ke straight sets 6-4, 6-4 harai dise aru tournament laga 55-saal history te first Italian champion banei dise. Itu jeet para Sinner Ivan Lendl (1986) para first player hoise juntu ATP Finals ekta bhi set nohare jitise. Tai laga season ruthlessly shuru hoise Australian Open te victory loi aru first home soil title te khotom korise.
Sinner October te Shanghai Masters jiti ATP Year-End No. 1 title bhi confirm korise.
Nitto ATP Finals trophy jiti, Sinner USD 4,881,500 prize poisa loi dise, juntu ATP Tour history te sobse bishi winner laga prize posa hoise.
ATP stats hesaap te, Sinner itu tournament enter kora time USD 12,032,935 season prize poisa thakise aru itu saal total USD 16,914,435 banei dise.
Sinner Novak Djokovic aru Roger Federer logot milibo third khiladi hoise juntu eki saal te Australian Open, US Open aru Nitto ATP Finals jitise.
2024 te Sinner Australian Open aru US Open jitibo tai laga first duita Grand Slam title paise. Itu feat Open Era te tai third player hoise juntu first duita major same season te jitise. Guillermo Vilas (1977) Roland Garros aru US Open jitibo last khiladi hoise juntu itu korise, aru Jimmy Connors (1974) tinita Slam jitise.
Novak Djokovic, Rafael Nadal aru Roger Federer 20+ majors jitise, kintu first duita Slam eki season te nai jitise. Sinner 2024 season World No. 4 hisap te start korise aru Italy laga first World No. 1 ATP Rankings te banei dise.
Titles Sinner win in 2024 season: ATP Finals, ATP Masters 1000 Shanghai (Hard), US Open (Hard), ATP Masters 1000 Cincinnati (Hard), Halle (Grass), ATP Masters 1000 Miami (Hard), Rotterdam (Hard), Australian Open (Hard).
Add Comment