Chennai, 22 November : Chennaiyin FC laga B-Team Thursday din Gangtok Paljor Stadium te semifinal match khelibo, 2024 Sikkim Gold Cup nohoile 2024 All India Governor laga Gold Cup laga final te ponchibo karone. Itu match te taikan Gangtok Himalayan Sporting Club khilaf khelibo.
Head coach Rajan Mani laga leadership under te team pre-qualifying stage pora shuru korina, tinita knockout matches pass kurina semifinal te ponchise. Gangtok Himalayan uporte jitile, Chennaiyin final te NorthEast United FC, ekta Indian Super League team, khilaf championship karone khelibo.
Pre-qualifying match te, Chennaiyin Punjab Police uporte 3-1 jeet kurina dominate kurise. Peka, Karthick aru Vishal laga goals team laga attacking depth aru clinical finishing dekhai dise. Pre-quarterfinal match te Diamond Harbour, reigning I-League 3 champions, khilaf ekta tight match thakise. Daniyal, jaa saal laga U17 squad pora ekta promising talent, decisive goal score kuri team ke jitai dise, aru youth talent develop kuribo laga club commitment bhi sabolai dise.
Add Comment