Syria, 11 December 2024: Israel khan pra confirm kuri shey taikhan Syria laka naval fleet te hamla kura toh, country te taikhan military assets toh neutralize kuribo koshis kuri thaki shey Assad regime toh gira pichideh.
Statement te, Israel Defense Forces (IDF) khan pra koishey taikhan laka ship khan Al-Bayda aro Latakia laka port te hamla kuri shey Monday rati te, tadeh fifteen vessels khan dock kuri kina thaki shey.
BBC khan pra video toh verify kuri shey tadeh dikhi paishey Latakia laka port te blast hwa toh, aro footage te dikhi shey port laka kunba jaka aro ships khan ke biya pra nuksan hwa laka.
IDF khan pra aro koishey taikhan laka warplanes khan 350 opor air strike kuri shey Syria laka target khan te, enika time te ground forces khan ke move kuri thaki shey Syria aro occupied Golan Heights laka mojut te demilitarized buffer zone te.
Etu olop agae te, UK-based Syrian Observatory for Human Rights (SOHR) khan pra koishey taikhan 310 opor strikes IDF pra kura laka document kuri shey, Sunday din te Syrian government ke rebels khan pra overthrow kura pichideh.
Statement te, Israels Defence Minister Isael Katz pra koishey ki IDF khan aim kuri shey strategic capabilities toh destroy kuribo leh kun toh Israel laka state ke threaten kureh.
Tai aro koishey ki Syrian fleet ke destroy kuribo leh operation toh great success thaki shey.
Add Comment