United States, 12 December 2024: Federal Bureau of Investigation Director Christopher Wray pra koishey President-elect Donald Trump next month office te aha agae te resign kuribo koina, tai indicate kurishey ki Trump taike kam pra olai dibo koina.
Wray pra internal FBI meeting te Wednesday din te announced kuri shey tai weeks consideration hoi kina decide kuri shey side te hati jabo leh.
Trump pra already Kash Patel ke nominate kuri shey kun FBI’s authority toh limit kuri shey, law-enforcement agency ke lead kuribo nimite.
Wray, kun pra Trump pra nomite kuri shey 2017 te 10 saal term karne, tai criticism face kuri shey taila tenure te Republican khan pra, purana president office ke chari kina tai laka opor te FBI’s investigation kura karne.
Wednesday din te FBI meeting te khota kura time te, Wray pra koishey, tai decide kuri shey bureau karne thik kam toh tai current administration khotom nahwa tak serve kuribo January tak aro nami jabo.
Tai sa hisap toh, etu sopse bhal kam ase bureau ke fray laka bitor te gusibo leh rukha boleh, etu hwa time te values aro principles khan ke reinforce kuribo kun toh bishi important ase taikhan laka kam nimite, Wray pra koishey.
Tai etu hwa pichideh standing ovation paishey, aro kunba audience toh kandi thaki shey, etka unnamed official pra Associated Press ke koishey.
Add Comment