December 14, 2024: Canada deh pura Indian students kan keh study permits, visas aro educational records nishi nah essential documents kan aro pata b kuia se. Enaka hua tho taikan majo deh ekta panic trigger kuri di shae, Times of India para report kuri shae.
Etu request tho Immigration Refugees and Citizenship Canada (IRCC) para ahi ase. IRCC tho ekta government department ase, kuto foreign students kan keh deal kureh. Request para international students majo deh distress ani ase.
Etu development tho IRCC laka sobse nutun koshish ase, taikan laka policies kan keh aro strict kuri bole, international students laka inflow tho check deh rakhi bo karne. Department para aro strict finances laki bole b introduce kuri di shae.
“Mui muila email pah time deh olop shock taki shae. Muila visa tho 2026 tak valid ase, hoile b muike sob documents kan aro pata bole hudi ase,” Avinash Kaushik, ekta postgraduate student para kui shae, kun British Columbia laka Surrey deh puri ase.
Add Comment