December 16, 2024, 04:08 PM: Longleng District Planning & Development Board meeting cum Advent Christmas programme loishey, Bonshi’s farm tey, 12 IR. BN. Chingtok osor tey, December 13th, 2024 tey. Longeng laga Deputy Commissioner & DPDB laga Vice Chairman – W. Manpai Phom, NCS para tatey present thaka member khan ke welcome janaishey, itu muhina laga board meeting karney aru jawa muhina laga meeting laga olop homoi review kurishey. Aru itu meeting pichetey Advent Christmas Prorgamme kurishey.
Executive Secretary, PBCA, N. Tialemba Phom para tai laga Christmas message tey itu Jesus Christ laga jonom hoa laga opor tey kotha kurishey, aru itu Christmas laga hosa meaning toh samjhaishey. Tai para highlight kurishey ki, Christmas maney moi khan laga mon toh notun kuriboley karney asey, aru Isor logotey relation banaboley asey, aru Jesus Christ ke moi khan laga mon tey jonom kuriboley allow kuriboley karney asey.
Tai para koishey, Christmas toh hoiley ekta homoi asey, moi khan ke remind kuriboley, ki, khushi toh hoiley itu duniya tey ahishey, itu itu khushi kuntu toh hoiley moi khan kiniboley naparey, poisa aru suna khan para.
MLA, A. Pongshi Phom aru Deputy Commissioner Longleng, W. Manpai Phom para Christmas laga greetings deliver kurishey. Special number toh hoiley present kurishey, STO (Treasury) team, Longleng para. Itu programme toh hoiley Extra Assistant Commissioner, Longleng, Kumari Imkongnukla Ao para chair kurishey. Itu programme toh pichetey ekta gift exchange khan kuri kena khotom kurishey, itu sob HOD khan para.
Add Comment