December 17, 2024: Laapataa Ladies tho Oscar deh india laka official entry hui nah, sob manu laka suku tho Aamir Khan laka film deh ase. Ekta BBC News india lokot deh lua interview deh, actor para India karne Oscar jiteh leh tai karne ki ase, etu deh kotha kuri shae. Tai para Laapataa Ladies tho Academy Award jiti shae koile tho, India deh taka manu kan bakala hui jabo kui shae.
“Mui ekta competition keh kinaka serious para lobo, etu mui najaneh. Hoile b mui tho bishi kushi deh taki bo. Film karne ekta dangor opportunity hobo, manu kan bishi sab oleh. Kile koile ekta film, Oscar nahoileh Academy Award jiti shae koile tho, dunia pura para manu kan sabo leh mun jai taki bo. Etu karne ekta film karne ekta dangor opportunity banai.
India laka history deh khali teen films- Mother India, Salaam Bombay aro Lagaan heh international Feature category karne nominate hui nah ase. Hoile b ekta b Oscar jita nai. Agae deh RRR para Best Original Song aro Elephant Whisperers para Best Documentary Short jiti shae. Writing with Fire aro All the breathes kan best Documentary Feature category deh nods pai shae. Oscars 2025 laka shortlist tho Tuesday, December 17, 2024 din deh announce hobo.
Add Comment