Russia, 18 December 2024: Russia laka security service pra koishey ekta 29 saal manu Uzbekistan pra duri shey senior general Igor Kirillov aro tai laka assistant ke murai dia opor te Moscow te.
Lt Gen Igor Kirillov, Radiation, Chemical and Biological Protection Forces laka head toh Tuesday din te residential block laka bahar te thaki shey. Kicha ekta scooter te explosive saman lukai thaka phutai dishey remote pra.
Russian security service khan already claim kuris shey murai dia agae te he, source pra BBC ke Tuesday din te janai dishey.
Ukrainian source khan pra koishey, Kirillov- kun Russia’s chemical weapons chief ase- tai toh legitimate target thaki shey aro alleged kuri shey ki tai war crimes khan kuri shey.
Monday din te, murai dia laka din agae te, Ukraine pra Kirillov, 54 saal ke charged kuri shey, absentia te, aro koishey tai responsible thaki shey banned chemical hatiyar chula nimite. Russia pra etu allegations toh deny kuri shey.
Interrogation time te ekta statement te koishey tai explained kuri shey ki taike Ukrainian special services khan pra recruit kuri shey.
FSB khan pra video publish kura te, purported suspect ke dikhi paishey taike $100,000 laka inam offer kuri shey aro permission dishey European Union te jabo leh Kirillov ke mura laka exchange.
Tai explosive saman toh electric scooter te hali dishey, kun toh Kirillov thaka laka residential building jaka, etu gusa jaka te park kuri dishey, FSB pra koishey.
Add Comment