Melbourne, 19 December : ATP 2024 te trial financial security programme laga under te 26 khiladi ke milaikena $1.3 million distribute korise, aru next year nimite minimum wage figures increase koribo laga commitment rakhi dise, itu men’s tennis laga governing body confirm korise.
Early year te Baseline programme launch kora hoise, juntu ekta 3 saal trial programme ase, aru itu scheme top 250-ranked singles khiladi ke season pora minimum income guarantee koribo ase. ATP chief Andrea Gaudenzi itu initiative ke “game-changer” buli describe korise.
Top khiladi endorsement aru prize money pora dangor income tola parile bhi, lower-ranked khiladi tournament earnings upor depend korikena struggle koribo laage thaikise. COVID pandemic karone season temporarily halt koribo pora, dukhon khiladi financially impact hoise, aru Roger Federer, Rafa Nadal aru Novak Djokovic jaiso laga khiladi ekta solution mangise.
2024 te minimum guarantee plan under 17 khiladi ke payment kora hoise, ATP earnings threshold upor depend kori shortfall cover korise. Aru tinta khiladi injury-hit campaigns karone income protection plan laga under te benefit paise. Ekta khiladi duita plan te ekathe payment paise.
Rising khiladi nimite, seven khiladi financial aid receive korise jitiya top 125 ranking first time te pua geishe. Itu newcomer investment plan te itu support diya hoise.
2025 te ATP guaranteed minimum thresholds increase koribo, jun te singles khiladi ranked 101-175 nimite $200,000 (earlier $150,000), aru ranked 176-250 nimite $100,000 (earlier $75,000) koribo ase. Top 100 ranked khiladi nimite threshold $300,000 same rakha ase.
Ahikhan hisab te, 2024 end te top 250 te thaikena khiladi 15 events te khelile minimum $100,000 earn koribo paribo next year.
Add Comment