German Christian market te hamla kura suspect ke remand kuri shey

Germany, 22 December 2024: Ekta manu four maiki aro ekta nine saal bacha ke gari pra Christmas market, Magdeburg laka German City te, mari kina murai dia laka accused toh custody te remanded kuri kina ase. 50 saal manu ke judge laka samne te anishey Saturday din saam te, Friday din te accident hoi kina. Kala BMW gari pra bazar te manu bishi thaka jaka te gari chulai kina 200 opor manu ke jokom kuri dishey. Madgeburg police khan pra koishey investigation toh jai ase aro officers khan witnesses karne appeal kuri ase photo aro video khan phata boleh accident laka. Suspect toh local media te Taleb al-Abdumohsen koi nam dishey, 50 saal Saudi laka manu kun Germany te 2006 te ahi shey aro tadeh doctor laka kam kuri thaki shey. Sunday din morning te, Madgeburg police khan pra confirm kuri shey four maiki- 45, 52, 67 aro 75 saal etu hatsa te muri jaishey. Statement te koishey, judge pra pre-trial detention order kuri shey five counts of murder, multiple attempted murder aro multiple counts of dangerous bodily harm. City officials pra koishey 100 nishina police, medics aro firefighters, aro 50 rescue service personnel khan jaka te punchi jaishey 19:00 local time par hoi kina Friday din te. Witnesses pra koishey taikhan kina etu gari hamla kuri time rasta pra jump mari shey. German paper bid lokot interview time te, ekta maiki nam Nadine pra koishey tai aro tai laka mota Marco, Christmas market te thaka time te gari taikhan laka samne te speed te ahi shey. Taike lagai dishey aro taila side pra tani dishey, 32 saal pra paper ke koishey. Bishi biya thaki shey.