Yemen, 27 December 2024: World Health Organisation (WHO) laka head aro alak UN staff khan Yemen laka International airport, Sanaa te thaki shey Thursday din te Israeli hamla hwa time te, kun toh report ahishey ki at least six manu ke murai dishey koina. WHO director general Tedros Adhanom Ghebreyesus pra koishey taikhan plane te jabo leh thaki shey aro etu time te he hamla toh shuru hoishey.
Houthi-run Saba news agency pra koishey airport te three manu muri jaishey aro thirty manu jokom hoi jaishey. Taikhan koishey aro three manu muri jaishey aro ten manu jokom hoi shey western Hodeidah province te.
Iran-backed rebel group khan pra etu hamla ke barbaric koina describe kuri shey, kun toh power stations aro ports te b hamla toh lagi shey. Israel’s military pra koishey taikhan intelligence-based hamla kuri shey military targets khan te. Echa b clear nai fatalities toh civilians khan thaki shey na Houthi rebels khan ase.
X te statement te, Dr Tedros pra koishey tai Yemen te thaki shey khota kuribo nimite UN staff detainees khan ke charibo laka opor te, aro country te health aro humanitarian jhamala toh assess kuribo leh. Enika hoina tai aro details dinai UN detainees toh kun khan thaki shey.
Sanaa’s airport te hamla kura laka opor te khota kura time te tai koishey, air traffic control tower, departure longue – kun toh olop meters he dur thaki shey- aro runaway khan pura biya hoi jaishey.
Add Comment