Manipur, January 9, 2025: Security Forces khan para, Kakching District laga Langmeidong jaga khan te para, Duita KCP (Taibanganba) Cadres ke arrest kurishe koishe.
Yete arrest kurea manu laga nam khan toh, Mayanglambam Sanathoi Singh ase koishe, aru tai toh 30 saal ase, aru alak wala toh Sanasam Suraj Singh ase koishe, aru tai toh 27 saal ase koishe. Taikhan manu ke damki dikina poisa mangi thakhishe koishe, Kakching District laga bitor Sugnu, Chairel aru Kakching Khunou jaga khan te.
Officials khan para janishe ki, tai dujun toh bhal jaga khan te amnu ke damki dikina poisa mangi thakhishe koishe.
Aru alak tebi, Security forces khan Manipur laga hills aru valley districts khan te search operation khan kurishe koishe. Yete taikhan hatiar banduk khan bi paishe koishe. Yete pa laga saman khan toh .32 Pistol aru magazines, 9 mm Pistol aru magazine, 7.62 mm laga 10 guli nishina, ekta single barrel rifle, duita tube launcher bi durishe koishe.
Yete durea laga saman kahn toh authorities khan laga haat te didishe koishe.
Add Comment