Ludhiana, January 11: Ludhiana West MLA Gurpreet Bassi Gogi tu Friday rati te, mysterious halat te guli lagiya la jokhom para murijaisey. Ludhiana DCP Jaskaran Singh Teja, kun para tailaga murja laga khobor confirm kurisey, tai para koisey ki Gurpreet ke DMC hospital te ana homoitey, tai already murikina thakisey.
Tailaga deadbody tu postmortem nimitey murdaghor te rakhidisey. DCP Teja para koisey ki etu ghotna tu adha raati 12 am faley hoisey.
District secretary, AAP Paramveer Singh para koisey ki MLA Gurpreet Bassi Gogi tu etu din te programme khan khotom kurikina tailaga ghor te wapas ahisey, kuntu tu Ghumar Mandi te asey. Tailaga akhri homoitey, tai tailaga family logotey thakisey. Gogi tu tailaga maiki, ekta chokra aro ekta chukri logotey buhi thakisey.
Sources para koisey ki MLA Gogi laga maiki Dr Sukhchain Gogi para guli mara laga awas hunikina jag ate pungcha homoitey, tailaga mota ke khoon laga pool te girikina thaka paisey. Etu picheyte, tailaga family para security laga modod para taikey DMCH te loijaisey. DMCH te taikey brought dead(murda anisey) koikina declare kurisey.
58 years laga Gogi tu 2022 te MLA hobole ageyte komsikom duibar MC councillor thakisey. Tai tu Congress district (Urban) president bi thakisey. 2022 Vidhan Sabha election ageyte tai AAP join kurisiley.
Add Comment