January 12, 2025: Saturday din deh Outgoing US President Joe Biden para Pope Francis keh Presidential Medal of Freedom di shae, distinction lokot deh. Etu tho tai para ekta phone call deh taka time deh kuri shae.
White House para Biden tho Rome deh taka time deh top civilian honour tho present kuri bo taka ase kui shae, hoile b tai California deh hua wildfire keh sai taka karne kuri bole para nai kui shae.
President Biden para social media platform X laka ekta post deh etu kui shae,” Pope Francis, apni laka humility aro apni laka grace tho kotha laka bahar deh ase aro apni laka morom tho match kuri bole napareh. Manu kan laka Pope taki nah, apni tho faith, hope aro morom laka ekta light ase kuto dunia deh shine kureh.”
Taikan laka phone call time deh, President Biden aro Pope para peace bana bole koshish kuri bo kui nah kotha kuri shae.
Top civilian award tho Hillary Clinton, George Soros, Leonardo Messi, Ralph Lauren, Anna Wintour aro Denzel Washington kan b pai shae.
Add Comment