Mumbai, January 12: Sunday din te Mumbai te huwa ekta Special General Meeting (SGM) te, Assam laga Devajit Saikia aro Chhattisgarh laga Prabhtej Singh Bhatia tu Board of Control for Cricket in India (BCCI) laga nutun secretary aro treasurer unopposed(taikhan laga against te kunbi nathakikina) select hoisey.
Saikia aro Bhatia tu Jay Shah aro Ashish Shelar para charidiya vacancy laga single nominee thakisey.
Juwa moina Jay Shah ICC chairman appoint huwa nimitey tai BCCI secretary laga post para resign kuribole lagisey. Ashish Shelar tu Maharashtra government te cabinet minister appoint huwa picheyte tailaga position para hatijaisey.
Jay Shah tu ICC te jaija picheyte, Saikia para secretary laga kaam khan kurithakisey. Tai tu etu ageyte joint secretary thakisey. Etu position tu etya khali asey.
Electoral officer AK Joti para etu position nimitey result declare kora homoitey enaka koisey, “Office Bearers- Secretary aro Treasurer laga elective post khan tu uncontested thakisey, aro etu duita post nimitey vote conduct kuribole jaruri thakanai.”
Add Comment